國內名牌手撕雞 @ 厚興瑜記手撕雞 (荃灣新村分店)

7/10/2012 更新:

前天路經上址, 發覺價錢漲價了...

手撕雞半隻$38、全隻$76
雞腎$25/盒, 其餘暫時無改變。

 

 有圖有真相

國內食品 

當我十五十六諗緊排唔排時, 聽到街坊甲女士同身旁友人講:「買隻雞都要佰一啦, 而家幫埋你撕, 成隻都只不過係70蚊, 緊買得過~~」


好!  我決定排埋一份, 買半隻~~  好歹都是$35!!  

除了手撕雞, 還有雞腎、雞腳、雞翼尖出售, 都是$20/盒

根據介紹... 店子本身是中山家喻戶曉的老字號, 在珠三角一帶已經有超過二十多間分店, 有自家農場供應走地鮮雞, 每日即劏 烚熟後凌晨時份運到香港, 到店後便保存在零至四度的冰櫃內, 有客人柯打才即撕, 並加入自家秘製的調味料。

在『麻雀雖小, 五臟俱全』的店子內，姨姨們都各自留在自己的崗位裏, 迅速將雞隻拆骨、撕肉、拌勻醬料、放入外賣盒、收錢, 全程都是五分鐘, 據說每日最多可賣出四百多隻雞！

黃色膠袋好有「祖國」feel !

雞被姨姨們煎皮拆骨成手撕雞 ：  骨頭、雞爪... 放心 ~~  全部都會俾番客人 。

果真是皮脆肉滑, 雞皮厚身而且皮下帶點啫喱, 咬落「嗦嗦」聲唔肥膩, 夠清爽；姨姨拌的醬料就似沙薑鹽焗雞的味道, 連埋芝麻就更加香 ！ 如果想加辣就要預早出聲, 第一次還是先試原味...我就覺得醬料偏鹹, 把雞味悄悄的遮蓋住；雞肉滑溜, 不涸而且肉質夠細緻夠有彈性, 不是冰鮮雞可比 ！


厚興瑜記手撕雞 (荃灣新村分店) 
荃灣楊屋道街市新村街37號 平愛大廈B鋪地下
9504 3504
平均消費 : $40-$100  

厚興瑜記手撕雞  Facebook Fans Page