向左走‧向右走@木子甜品

昨天是拆禮物日 Boxing Day

              




下午坐巴士到楓樹街遊樂場附近, 先去吃咖喱後...再行入再行入...咁就係行到消防局, 我地做了一個錯誤的決定(跟人行)...跟人行轉左, 過馬路後就越行越遠 ,   其實估計應該是半小時的路程(消防局沿詩歌舞街一直向前行), 我地足足迷失咗個幾小時 , 後來決定在新九龍廣場附近(奧運站)乘$20的士到達目的地。  



芋圆、地瓜圆， 我來也 

仙草1號$15...仙草幾彈彈, 也有草藥味, 蓮子雖不是鬆化但甜得入味, 紅豆也很甜美而不是死甜, 大粒又飽滿 椰果煙韌, 貨真好；黑色那球雪泥, 最初以为是朱古力泥, 但原來是充滿草藥味的無糖仙草雪泥, 好特別呵~

花生雪泥芋圆再加$5要有餡芋圓$25...花生雪泥的花生味濃, 但不会是花生醬般腻；芋圆及地瓜圆没有預期般煙韌, 偏腍及味道唔突出, 反而有餡芋圓及地瓜圆就值得去食, 勁煙韌帶有口感, 餡料的味道也很出；红豆湯底也很甜蜜, 就算冰塊溶掉也沒有弄淡甜湯底

柚子冰粽$18...食得出有粽葉味, 粽子算大隻, 柚子餡偏甜但有好重柚子果甜及果皮, 一個人吃兩隻會甜到腻, share 就啱啱好。

 雪泥Q麻薯(豆腐雪泥)$20...豆腐雪泥清得來帶豆香, 但那些麻薯其實是糕狀黑糖物, 又甜又黏牙, 超级唔好食  食多幾粒都會硬到胃痛   






木子甜品
九龍大角咀詩歌舞街83號亮賢居2號舖

平均消費 : $40以下