2012年3月30日星期五

〘米芝蓮巡禮〙會再來 @ 阿純山東餃子



想嚟好耐, 那天終於儲夠人嚟大刷特刷lol 人多才能吃多款食物嘛lol

睇完menu, 大家都你眼望我眼, 樣樣都想叫shocked 總要一個帶頭大哥嚟统領一吓, 咁佢一定要好果斷咁選擇及妥善安撫一吓各飢民的情緒.....呢位帶頭大哥就係本人lol

就喺呢個時候, 那位比較肥嘟嘟白雪雪幾靚女嘅女侍應生就為大家奉上杯嶗山綠茶 

阿純山東餃子的相片 - 太子 
嶗山有 “海上第一山”, “神仙宅窟”之美譽。 嶗山地區氣候溫暖濕潤, 茶樹生長發育慢, 有充分時間積累養分所以嶗山綠茶內含營養物質豐富, 有大量的多酚類, 咖啡因, 芳香物質和蛋白質, 氨基酸, 維生素等有益人體健康的成份。 嶗山綠茶能興奮解倦, 止渴解毒, 促進血液循環, 軟化血管, 清心明目的功效。 綠茶味道濃醇鮮爽而且飲後齒頰留香, 入喉清香回甘lol 如果喜歡也可以在收錢旁買包茶葉回家去泡, $25有125g已經可以飲好多次lol

食物樣樣都想試, 由小食到甜品都有數十款坊間少有的選擇, 暫時大家都把最想要的食物數出來, 讓我們這幫五人小圈子投票選出......結果如下: 

阿純山東餃子的相片 - 太子 
東北皮凍$20...皮凍用醬油, 蒜蓉,麻油來拌, 味道一流。 墊底的青瓜絲也很清甜, 拌蒜蓉汁來吃也很醒胃。 皮凍由豬皮熬煮多個小時凝結而成, 純粹是膠質即膠原蛋白所以吃起來一點也不油膩。食得入口嘅膠原蛋白能幫皮膚補水除皺, 難怪望真那位白雪雪女侍應生嘅皮膚好似幾滑, 美容費都慳唔少tongue
阿純山東餃子的相片 - 太子 
山東香燒羊排$58...條條有肥膏也有肉, 有羊味但不是蘇, 望落頗乾但原來外脆內軟, 肉汁豐盛lol
阿純山東餃子的相片 - 太子 
山東燒雞(半隻)$48...可要求斬件或者手撕, 不過正宗食法就是手撕並蘸蒜蓉汁吃。 雞肉嫩滑, 皮薄帶少少肥膏, 味道有點鹵水料lol
阿純山東餃子的相片 - 太子 
山東(自家釀製)臘腸炒菜芯$48...菜芯炒得爽甜, 臘腸味盡吸, 臘腸切到一片片但唔覺腸衣, 像义燒lol  

阿純山東餃子的相片 - 太子 
嶗山茶炒蝦仁飯$38...送豆漿或酸辣湯, 蝦仁爽口彈牙, 嶗山茶葉味甘醒神, 味道甘甘地鹹鹹地, 好送飯lol  

阿純山東餃子的相片 - 太子 
山東素炒餅$32...送豆漿或酸辣湯, 把自製家鄉餅切條再炒, 配料有雲耳, 椰菜絲, 紅蘿蔔絲等, 家鄉餅弄得薄薄(近乎透光)並用豉油炒香, 有些炒得微燶的餅條會有鹹香味, 好正lol 

阿純山東餃子的相片 - 太子 
甜品究竟要拔絲水果還是拔絲地瓜山藥 ?? 後來知道山藥是由青島運來的, 那當然要拔絲地瓜山藥$48。 等...要等上好一陣子, 見到那漂亮白雪雪女侍應生把一碗裝滿冰的白水放在我們檯上, 大家都知道拔絲近了lol 

拔絲地瓜山藥一上檯, 白雪雪女侍應生拿拿林把熱辣糖漿地瓜山藥逐一逐一拔絲(拉起)放入冰水, 攪拌一下, 悄悄等地瓜山藥變脆變硬便夾起, 不過沒有隔水所以碟上會留有點冰水, 那就有點可怕shocked 地瓜山藥偏淡, 真是要靠脆糖來調味, 嗯嗯~

Yummy, yummy! 美妙地結束這晚餐...要試的還有很多lol 
阿純山東餃子
太子荔枝角道60號地舖 
星期一至二、四至日:11:00-23:00
逢星期三休息 
平均消費 : $ 100 - $ 300 

沒有留言:

發佈留言