【活動邀約】薄荷葉泰國菜 Mint Thai House @ 元朗

曾聽聞元朗有間泰國寺廟, 是否因為這個原因所以元朗是除九龍城外, 有很多泰國餐廳林立的地區；自從早幾天的元朗市中心半天遊後, 我們鎖定目標約實某夜要來吃地道泰國菜。

餐廳選擇是由「他」來決定, 我只是一個跟隨者；那天, 我們相約在朗屏地鐵站B出口...

由B出口一直沿著天橋向元朗劇院方向前行, 就算離開天橋也是一直向前行 , 遇馬路就過馬路, 遇輕鐵站就越過輕鐵站, 一直向前行至盡頭就是元朗劇院。

就站在元朗劇院那條街, 見到遠處發著光亮, 黑夜中散出黃黃紫紫的燈光, 是有情調中帶型格, 是與周遭店鋪相反的個性, 看來老闆想開創元朗先河, 來個Soho - Yuen Long

話明係泰國餐館, 當然要採用泰國實木傢俱, 木材佈置；天然裝飾會有一種舒適而悠閒的感覺 , 可聯想起正身處泰國享受著陽光與海灘、紙傘與椰青。

餐廳燈光不太明亮, 因為它是一家新派泰菜餐廳, 走Chic style又怎可以無雷射燈光配George Michael這種殿堂級歌手。

點菜重任當然要交給「他」, 而我就可以印印腳等開餐...

冬蔭公湯(小) $68

$68的分量以店方提供的碗來量, 總共可裝到7碗左右,  湯味道帶濃郁酸味, 是果酸的味道, 會是羅望子加蕃茄?? 反而辣度較輕微, 想一嘗汗流浹背的滋味, 可能要要求廚師幫你特調。

班蘭咖喱牛 $58

送上檯就聞到有好香噴噴的班蘭葉香, 咖喱汁是著重椰汁味, 辣味亦只屬微辣；自己就犯了一個過失, 就是不應該選牛肉, 我相信是近日牛肉價格狂升, 所以廚師就瘋狂地把牛肉用鬆肉粉鬆大, 令到牛肉被鬆到完全無肉味 只知道嚼到實體但根本不知道是什麼, 連咖喱味也入不到牛肉纖維內。

椒鹽魔鬼魚 $88

可沾這兩款醬, 綠色超勁辣, 橙色酸酸辣

魚被炸得香脆, 第一啖會覺得淡味 不過食食下魚味會慢慢散出來,  椒鹽亦有幫助提魚鮮的威力 知道店主在新界白泥自設菜園, 香料和蔬菜天天新鮮運到店內, 所以伴碟蔬菜特別多, 食落特別鮮甜,與椒鹽汁拌勻來吃就更添美味。

 魚翼滑溜, 炸到連骨都可以食得

薄餅 $40 有四塊, 不是自家製的薄餅難怪賣得貴 不過店主選貨都好講究, 因為除了廚師有手勢把薄餅煎得脆口外,  薄餅本身也夠煙韌, 兼且只會少油又唔膩, 與咖喱汁好配合。

特式菠蘿飯 $68 盆滿缽滿 飯內有海鮮料、提子乾、雜菜粒、小小菠蘿粒、肉鬆與腰果, 飯煮得軟身而味道也不重, 不要期望有中式炒飯那種鑊氣及乾身爽粒......

不過, 食完面頭那些炒飯, 講真...下面才是菠蘿飯精華所在, 因為當舀飯時稍加用力, 可以連菠蘿殼內的菠蘿汁菠蘿蓉也一併舀起, 新鮮菠蘿的滋味確實非同凡嚮

炸蝦球 $58 用一個cocktail杯裝住8小球, 小球下面是一大堆新鮮蔬菜絲, 彈牙蝦球被薄薄的麵包糠包住來炸, 炸得乾爽不油膩, 蝦球內亦混入了新鮮五層塔, 個人覺得泰式辣醬會把蝦球味道搶掉, 我還是用來撈蔬菜絲來吃

店內侍應生待客熱誠, 尤其是有一位女侍應生, 她會叫我們:「快d襯熱食」 , 也會對我們說:「通常小朋友才會食菠蘿飯」(但我們的確好想食嘛)   , 亦會叫我們加多客薄餅來沾咖喱吃 (真係無介紹錯)

薄荷葉泰國菜 Mint Thai House

元朗安康路2號怡康大廈地下12-13號舖

2475 5872
平均消費 : $100-$300