窮風流 @ The Mandarin Cake Shop

香港文華東方酒店...我细细個時媽咪都帶過我嚟食buffet, 不過佢間文華餅店嘅出品就好似無乜印象食過       

到今天長大了, 重遊舊地...感觸良多      

 餅店很美, 周圍有不少櫥窗来展示一下餅店師傅的功力, 例如這個以鎮店玫瑰草莓果醬Strawberry Rose Petal Jam為題的蛋糕, 擁有聶人的觀賞力      

 今次外賣5款食物, 有鹹有甜, 有凍有熱 

 首先要介绍一下精美蛋糕...New York Cheese Cake ($39)及Raspberry and Apricot Mousse ($39)    

 白色的New York Cheese Cake...質地實得來帶軟滑如絲般口感, 有濃濃的cream cheese味道, 也吃到微微sour cream的酸, 甜度一點也不過份, 的骰體積的份量啱胃口, 因不會過膩   

 Raspberry and Apricot Mousse...紅彤彤的非常搶眼, 果酸味重, 少甜, 外層mousse及內層蛋糕都帶有濕淰淰, 充滿果汁般口感；蛋糕内有一小角半乾半濕的apricot果甫, 吃得出apricot的外皮有微毛毛及果味濃；After-taste竟然有Froyo的乳酸味道 

Beef pie 是最貴的包點類, $45不過非常飽滿    這是英國傳統食品, 應該是Mama's recipe 面皮充滿芝士及香草香氣, 牛肉碎口感好嚡, 牛肉味唔覺, 食到蕃茄味但唔酸, 牛肉餡也有紅蘿蔔碎   整體香而不膩, 但肉質嚡口

Spinach Quiche...外皮帶點墨綠色兼有點菠菜味, 不油；菠菜有又滑又濃的專屬菜味, 量也多, 再加上充滿芝士、奶香、cream 味的蛋浆餡, 滑不溜口

Plain croissant...牛油香但未去到衝出來這種, 內層质感柔軟, 外層鬆脆到不得了, 酥皮層次分明,唔會食到滿口碎, 味道帶微甜, 不太油

下回要轉攻朱古力   螺絲釘朱古力呵~   

 

 平均消費 : $40-$100