北河街街市裏的越南風味 @ 芽莊城越南牛肉粉

坦白講, 係為杯滴滴咖啡而嚟  

 
 把咖啡粉放入鋁製的滴漏壺裏, 沖入熱水, 蓋上蓋子, 靜待咖啡一滴一滴咁滴入杯裏 

滴滿後再落煉奶, 輕輕攪拌 , 煉奶能黏住杯底的咖啡粉而不會飲到成口渣, 不過我那杯的煉奶全溶入咖啡中, 根本沒有黏住咖啡粉  , 咖啡粉是有吃到, 味道也不是差。 
滴滴咖啡味道香醇, 不覺得有酸味 , 而且煉奶令到咖啡多一分圓滑、油潤, 聞落香而不攻鼻, 很舒服      

沖咖啡也需要十分講究  , 96度以上的熱水會把咖啡中的油質破壞, 口感辛澀  , 攝氏85度至90度左右才對。  沸騰的水, 甚至是加熱也只會得到一杯焦燶味的苦水。    

真是非常感謝芽莊城「事頭」的教導     

 要小心翼翼咁踏着濕滑又油的膠地磚  , 穿過檯與檯之間並避開別些店鋪員工拉客的眼神  , 才走到來10號鋪前。

好不容易找到兩個位坐  , 因為千祈咪見到吉位就亂坐, 其他食店嘅阿姐會趕人走 坐底睇餐牌, 想叫orders最好親自行上鋪前落, 因為見到人地舉極手都無侍應生理會  。

法式茄汁牛腩飯$28 連熱飲一杯  汁底較稀, 茄汁唔夠味因為紅蘿蔔搶了不少味道, 有點什菜湯的影子  , 牛腩炆得好腍, 肉質是瘦中有肥, 輕輕的就可以咬開；飯煲得偏軟, 撈汁會散開。

越式拼盤(春卷2件、風沙雞翼2件、蝦餅2件、扎肉幾片) $43  全份都很好吃, 春卷皮脆餡多, 帶點煙韌, 餡料有木耳絲、紅蘿蔔絲等清爽口感, 包生菜葉沾碌冧來吃是更加酸甜清新；雞翼皮香脆, 肉多汁, 脹卜卜兼有爆蒜香味；蝦餅彈牙夠老實, 唔係外邊買的機製貨

生牛肉河粉(細碗)$22連熱飲一杯   聽說正是越南地道口味, 送來時是沒有香葉, 可要求另外送上, 「事頭婆」給我一株薄荷葉、一角青檸及四粒指天椒粒, 但熊媽比較想要別人的金不換   呷一口湯...味道較淡, 淡得來帶清, 金邊粉較薄, 不夠韌勁, 肥牛片肉味充足, 幸好有落香葉來提鮮但始終鹹味不夠。

每間越南食店都會有她的秘製「碌冧」 

最後,  「事頭婆」為每枱客人送上神祕禮物一份, 其實是越南即溶三合一咖啡粉  , 她說會比滴滴咖啡更好飲  , 想買? 找「事頭婆」吧~ 

芽莊城越南牛肉粉

深水埗北河街市政大樓2樓熟食中心10號

 2725 2338
平均消費 : $40以下