再遇雪莓娘 @ 荃灣九份手信 (失望!)

 21/2/2013 更新

攤位已跟荃灣吉之島搬了過對面灣景商場

我第一次吃雪莓娘就是90年代初, 當時有間專門店在灣仔, 好似賣$10大大個, 只賣士多啤梨餡, 有得食又軟又滑嘅雪莓娘 就已經可以樂上半天     唔記得幾時執咗笠之後就好似無哂原動力  

返查網上資料, 原來2000年初喺 灣仔都有間雪莓娘 專門店, 不過好似熱潮不及當年, 逐在2002年結業   


早兩年前喺荃灣吉之島地下就見到呢間賣台灣食品嘅攤位, 有個玻璃櫃裝滿了不少麻糬, 我竟發現有「雪莓娘」     還不立刻買來吃!  不過價錢都好貴。 


兩年後嘅今天決定買番屋企與家人一起分享這份喜悅   
總共買了四件 「雪莓娘」, 兩件草莓及兩件杏桃  每件索價$16, 我相信不會是新鮮即製因為售賣員說如果存放在雪櫃是可以存放一星期之久     

點解......唔再似係以前嘅一回事!?   最煞食嘅糯米皮竟變成超厚、唔煙韌、死實實無彈性嘅「粗」皮     裏面有層cream、有件生果及有層蛋糕, cream厚兼膩, 無新鮮嘅奶味     那層蛋糕好乾, 根本無落過心機去做    生果都仍然有果味, 不過杏桃是罐頭貨     $64買了些塑膠製品, 又耐放又無生命力......失望透頂       

九份手信

新界荃灣大壩街4-30號荃灣廣場1樓攤位
平均消費 : $40-$100