樸素小店 @ 雲南風味館

小店喺蘇屋邨附近, 呢度應該屬於長沙灣嗎?  點解地址寫做「深水埗興華街27c」??


 事先講明, 想食環境? Sorry, 俾唔到你 想坐得舒服, 涼吓冷氣? Sorry, 你選錯地點

一入門口, 就有一陣頗酸, 刺激鼻子的氣味轟入鼻孔 眼前見到老先生在包韮菜餃子, 所以味道中也夾雜一些韮菜味。 坐在第一檯的小學生也要邊用手帕掩鼻邊食米線幸好後來鼻子適應了味道也沒有過分難受。

老麥最便宜的超值套餐都加咗1蚊, 食完唔飽兼實熱氣 有圖有相, 睇睇menu...叫碗最基本的雲南米線都是$17(好似話清湯有芽菜、腐皮), 再配搭食物都是每款加$3或者$6, 咁$20已經可以吃得飽飽   

腩肉米線酸辣湯底$23($17+$6)...米線綿滑, 口感彈牙；酸辣湯底的酸是酸菜, 辣並不只是辣椒還加了些香料, 非常冶味 酸辣料還加了些肥豬肉末, 味道多了肥肉的甜, 會無咁寡 ；腩肉絕不油膩, 滷水味帶有肉桂的甜, 全碗幹掉也不會有口渴等味精副作用

黄鱔米線酸菜湯底$23($17+$6)...米線綿滑彈牙, 原來與酸菜配合, 雖然不會有酸辣湯底般剌激, 但依然會感受到樸素中的不平凡就好似密實姑娘都偶爾穿小背心來涼爽一下 黄鱔帶香料及乾辣味, 卻沒有蓋掩鱔肉的獨特味道, 可惜切得較幼條未夠過癮

房協那「喜」字堆的新樓盤就在附近, 聽說推出的單位在第一天已全部售罄, 不知道入伙後會否帶旺這區, 香港小鋪還會否有能力留低?

雲南風味館

地址 :

深水埗興華街27c 電話 : 2742 5783, 61594941  平均消費 : $40-$100