2012年6月11日星期一

【活動邀約】The Live House Bar & Restaurant

早在四月上旬已經收到 The Live House 的電郵邀請, 電郵中提及到因為有新餐單推出, 所以就邀請一眾Food Blogger到店裏試菜。        


邀請時間長達兩個月, 以我所知逢星期二、三、四都會有Live show上演, 所以我一定要選這三天, 奈何天意總弄人, 每星期的二、三、四要不就是小朋友病倒要照顧  , 要不就是丈夫要去忙辦事而未能陪我去試菜 ,   結果一拖就拖到六月上旬才能有時間去訂位。


(其實試菜那天的下午, 都發生了一件小風波, 「試菜」這活動差點兒要取消
乘地鐵由葵芳出發, 因為知道地點是在始創中心斜對面, 所以在太子站下車就最近   
由The Live House 門口向左望就是始創中心。









見到這厨師公仔就知道已到達。   




The Live House 是一所以音樂為主題的酒吧餐廳, 聽到酒吧兩個字都唔洗驚, 基本上18歲以下都歡迎進入, 只不過是不准喝酒精類飲品之嘛~ 


試菜那天是星期二, 所以當晚的Live show就是 LOK@MatchBox 的Acoustic Live




我無錄影到當晚嘅show, 但喺Youtube就找到Lok的片段, 如果想聽吓佢點演譯George Harrison 首 "While my Guitar gently Weeps"就按Play:
餐廳原來好細間, 位與位, 枱與枱之間都幾親蜜, 全場坐滿但如果想企身行去洗手間, 那就只好側身行囉   幸運地, 我們被編排坐在廁所入口旁, 當客人推門出入, 嘩~ 一定聞到陣陣廁所香精嘅氣味 精神為之好多震 講番食物, 今次試菜就唔係任叫, 要跟指定Menu, 不過如果想叫其他食物, 店方就會俾九折優惠(邀請信是這樣寫明的)(可是... 所謂的九折優惠原來就是免加一服務費)   我知道看官一定會駡我「佔了便宜又賣乖」  係~  係~  我試菜的經驗不多, 但真係未試過被邀請去試菜要付加一服務費    首先送來的是一客西蘭花忌廉湯
有非常重的西蘭花味道兼粒粒顆粒, 但是湯本身忌廉的味道都是普通茶記水準    跟住就送嚟兩杯自選的Live House Signature Cocktail
Live House I Love You
這杯cocktail的名字叫「Live House I Love You」, 由Vodka, Kahlua, Baileys, Cacao, Chocolate, Half&Half調成, smoothie狀, 酒精度相當重因為頭3款都是酒精類飲品, 味道似是酒心咖啡朱古力(沙冰) 
Sex in the Live House
這杯cocktail的名字叫「Sex in the Live House 」, 由Vodka, Peach, Cream de Cassis, Pineapple juice調成, 是一款果味較重的酒精類飲品, 酸甜怡人    
Carbonara pasta
試菜Menu的第一份美食「Carbonara pasta」原價$88 有很濃的奶油把每一條意粉包裏着     不過就完全吃不出雞蛋的味道來    意粉煮得條條煙韌微微實心, al dente 就無錯     餸料有火腿片、烤過帶脆的辣肉腸片、洋葱及新鮮蘑菇片, 越食越起勁    
French Foie Gras Risotto with Roasted half Chicken
隨後就送上「 French Foie Gras Risotto with Roasted half Chicken」原價$198 烤雞烤得有點兒過熟, 所以肉質較粗而且醃得偏鹹     厨師用奶油、洋葱碎和蘑菇碎來煮risotto, 米粒是煙韌中帶點生米口感, 食食吓就全熟, 口感當然是creamy, 很舒服。  切少許foie gras 來吃, 肝味輕兼唔蘇   厨師並沒有把它煎香, 看來應該是用來撈risotto同吃, 頓時味道提昇了不少。
Steak and Onion Pie
與risotto一起送來就是這「Steak and Onion Pie」原價$98 所以吃這pie的時候, 眼見到酥皮面是有點兒凹陷    酥皮批裏有洋葱片、鮮蘑菇片、牛柳肉碎, 肉餡味道頗鹹, 口感粗嚡但食到有肥膏根的部份就會較甘香。  酥皮批本身是沒有牛油香氣, 食落就覺得是少油同埋唔會有香脆鬆化嘅感覺    薯條就又乾又硬, 未炸到脆心
諗住自費叫1pint生啤及小食邊聽歌邊試Menu外的真功夫 , 咁就叫停那試菜Menu內的甜品, 1 pint 比利時生啤Hoegaarden 自費價$65, 丈夫話超抵    我就唔啱這生啤的味道, 酵母味過重。人地話有花香味又有果甜味, 好似菠蘿啤咁   我一點也feel不到    
Buffalo wings


送啤酒怎能缺少Buffalo Wings 自費價$78, 一客6件再跟埋甘筍西芹藍芝士醬, 先講那藍芝士醬應該是蛋黃醬加藍芝士粒而調成, 藍芝士有少許砂質口感, 入口即溶, 蛋黃醬能中和藍芝士裏強烈的黴菌味 老實地說甘筍及西芹都不似是即切條, 預早切好放入雪櫃, 營養走哂, 水份抽乾緊, 只能當零食, 過口癮   Buffalo Wings  炸到酥脆就再撈上汁, Buffalo wings eater's motto: If it don't burn going in and don't burn coming out, it ain't hot enough.    這兒的Buffalo wings絕對可以辣到嘴腫, 因為食到有很重的Tobasco辣椒仔嘅辣味, 還有很濃茄汁的酸和一大把鹽的鹹    嘩~  勁複雜, 勁誇張嘅味道...每一啖都是勁辣、勁酸、勁鹹    
          
Live House Chocolate Thunder
試菜Menu內最後一道甜品「Live House Chocolate Thunder」原價$68
貌似Outback的Chocolate Thunder但味道就有分別, 除了體積上是比較小外, 甜度亦較低。  朱古力醬不是熱的, 那件brownie就是少甜及唔夠muddy 唔夠gooey     雪糕裏有杏仁碎, 總之未夠震撼   
臨走付款, 幸好問經理是否叫試菜Menu以外的食物有九折優惠, 他才說:「是, 我忘記了。」並在小計$143那兒劃了個框, 我只要付這個數, 那就証明被邀請來試菜都要付加一服務費, 和邀請信的指示不同了。 The Live House Bar & Restaurant
地址 : 旺角彌敦道731號地庫
電話 : 2392 1181
平均消費 : $100-$300

沒有留言:

發佈留言