2013年9月29日星期日

【活動邀約】芝心Blogger芝味試食活動 @三重芝士撈丁

食芝士撈丁都可以得到公關的邀請, 實在‧實在是「串」得很... 無他的, 只因為店方就是專做夜市的安安燒川式串燒專門店。不過, 逢星期六、日的午市時段 (11:30am - 4:30pm), 它就會搖身一變 ... 變為三重芝士撈丁。

午市卻專一地只會售賣上述兩款套餐。

早在8月時也曾得過安安燒的試食邀請, 試過廚師們的創意手勢, 大可放100個心。

室內依舊是 non-stop 足本播放「周星馳」電影, 陶醉於邊食邊笑的歡樂氣氛。

套餐內的 三重芝士撈丁 當然是主角, 之後可在 A+B 或 A+C 兩項裏任選1串串燒；若然口渴的話, 加$5便可以得到一罐汽水, 不過凡在 facebook 打卡都可以獲贈飲品一罐。

三重芝士撈丁 上檯了! 送上來時已經可以聞到芝味正撲鼻而上；從侍應生口中得知 --- 所謂三重芝士就是包含了巴馬臣芝士、藍 芝士、車打芝士碎。然而面頭有部份芝士是被火炙過, 一來可令芝士醬帶有焦香, 二來也可以與「串燒店」拉近關係。

芝士醬味道是濃醇之餘也帶層次, 三種口味迥異的芝士, 其獨特芝味是會慢慢地滲透出來, 絕非與某些出名賣芝士麵的食店般齋用卡夫芝士來做醬。濃稠的芝士醬剛好有足夠份量去把一丁麵包裹著, 使每一啖都是芝味滿足, 若然另加芝士醬, 每份需加$8。不過, 我個人喜好於硬麵, 這個一丁麵反而煮得不太適合於我的口感, 偏腍吧(但未去到糊)!

隨芝士麵都會跟一小碗湯, 侍應生說它是可以用來增加芝士麵的濕度, 我估計它應該會是一丁麵的麻油湯底, 而我也不需要它的幫忙, 謝謝!

A+B 串燒: 從 A 項選了燒四季豆, 而 B 項則選了秘製醬燒雞中翼。 燒四季豆一串有十條, 清甜多汁, 無根無渣又爽脆； 秘製醬燒雞中翼就有兩隻, 雞翼雖然是普通調味過, 但卻被燒至脆皮, 一咬流雞油, 而且塗過秘製醬汁後再燒過的地方更加會帶焦香及甜味, 真是非常好吃!