$17食正宗日式咖喱飯, 你還想怎麼樣? @ 銀咖喱 Gin Curry (荃灣分店)

銀咖喱 Gin Curry (前稱「銀座二丁目咖哩」) ...... 曾經食過深水埗西九龍中心8樓美食廣場805號舖分店, 詳見食評http://www.openrice.com/restaurant/commentdetail.htm?commentid=2172743  

因為要寫這篇博文, 在網上發現:

「銀咖哩」(前稱「銀座二丁目咖哩」) 與「銀だこ」(Gindaco) 屬於同一個集團。「銀座二丁目咖哩」是在2008年於香港首先開設的日式咖喱飯連鎖店，到了2011年才在日本開設同系分店「銀咖哩TOKYO」，與此同時香港的「銀座二丁目咖哩」亦改名為「銀咖哩」。http://blog.yahoo.com/_7U7C75M3AGONDLQBANLEX6E2OE/articles/65748

 銀座二丁目咖哩的誕生

早在2007年,  三木洋平由日本章魚丸公司委派來港, 並由他選址在九龍城廣場開檔, 不過開業五個月有蝕無賺。這時他才發現商場人流稀少, 根本不能做街頭小食。認為錯在自己的三木洋平, 竟然將爛攤子「攬上身」, 他眼見鋪位租期為兩年, 但蝕足五個月, 所以憑毅力把全副身家再加上向銀行貸款頂下鋪位, 膽粗粗自己做起老闆來, 並轉型做日式咖喱快餐店, 望能東山再起；結果靠「平」(當時$15一碟日式咖哩飯)一招吸引同區學生光顧 。

成功非僥倖  

三木先生眼見商場只在午市學生午飯時段最旺, 便以他們為對象。 他還發現商場最旺的一層就有齊M記及KFC, 如果要得到學生手上的籌碼, 看來所賣食品的價錢上要能夠與M記及KFC鬥過, 而且要更抵。   為了清楚知道學生所喜愛及能負擔的食物款式, 三木先生特登去學校附近一帶做街訪, 結果得知在一百個學生裏就有七十個都選日式咖喱, 而在十八、二十三及二十八元等的價錢設定中, 八十個選十八元。


行銷腦力

三木先生諗到在日式咖喱的基礎上, 加入港式車仔麵的配搭, 樣樣彈性處理(亦可單獨購買)。例如加$2配腸仔, $3配煎蛋、芝士、煙肉, $10配吉列薯餅、吉列魚柳, $12配手作漢堡等等。咖喱辣度與飯量都可免費升級 (若要再升多級當然要加錢)。  暫時來說, 在香港銀咖喱已有10間分店, 從網上得知台灣亦有銀咖喱的腳毛呢~

新荃灣吉之島都是在十月中才開幕, 而銀咖喱亦都只是誕生了數天, 店內運作比較混亂, 會有多次漏單情況發生, 店內有兩位日本先生親力親為工作, 一個負責廚房而另外一個就負責樓面；店面是以自助形式即是自己找座位再自己走出收銀台叫餐付款, 不過負責樓面的那位日本先生就好似不太會廣東話, 甚至不太會收拾離座客人的餐具, 難道要疊高高嗎?  

付款後就有個號碼牌, 是方便服務人員識別餐點的順序。

銀咖喱飯$17, 再加$2配煎蛋及加$12配手作漢堡扒

漢堡扒煎得軟嫩, 肉汁豐盈, 是豬肉與牛肉混合扒, 而且能咬到點點軟骨

銀咖喱唔止係剩咖喱汁咁簡單, 還包含紅蘿蔔、薯仔粒、豬肉碎等材料, 口感豐富, 味道天然, 是屬於不辣咖喱, 溫和得很。  難怪食到一半唔夠汁想添加, 侍應生要收取$5 (咖喱汁雙倍費用) 因為根本無可能有純粹咖喱汁供應     隻 M記款扒爐煎蛋就真係唔OK   有無食過硬膠款的蛋白 蛋白可以煎到口感韌韌尤如嚼膠    蛋黃卻無呢個問題     




招牌吉列豬扒咖喱飯 $29

即是銀咖喱飯 + 吉列豬扒   鎮店吉列豬扒是即叫即炸, 外層吉列皮爆脆, 因為坐近出菜口, 所以能夠清清楚楚聽到「廚房日本先生」舉刀把剛炸起的吉列豬扒一開為六, 下下「咔嚓‧咔嚓」, 「咔嚓」X 6        豬扒肉瘦削, 點點肥膏也沒有, 啖啖嚼出肉味；爆脆吉列皮實在有點兒硬, 與豬扒肉同吃是果然瘦削 (瘦豬肉+削傷口腔的炸皮)      

下次要試試銀咖喱 SPECIAL ...... 富士山咖喱飯  

足足重1.5KG , 睇睇台灣食客點挑戰

  

銀咖喱 Gin Curry  (荃灣分店)

荃灣大河道88號灣景廣場購物中心吉之島地下G04鋪

2295 3229
平均消費 : $40以下